Centre-in state & UT te rang zawka LPG aia PNG hmang tam turin ngen

In tinah tluang taka piped natural gas (PNG) hman a nih zawk theih nan leh LPG hman tihtlem a nih theih nan, sorkar laipui chuan State leh Union Territory (UT)-te chu rang zawka hma la turin a hriattir. District tinah coordinator atan nodal officer ruat turin tualchhung thuneitute a ngen bawk.

Petroleum ministry secretary Neeraj Mittal chuan August 21-a State Chief Secretary-te hnena lehkha a thawnah, PNG hi rawngbawlna atana fuel him zawk, thianghlim leh hman awlsam zawk a nih thu a sawi. Sorkar laipui chuan LPG cylinder sem chhuah a harsat em em ṭhinna leh senso tam zawkte hman chhunzawm loh a, LPG aṭanga PNG-a inthlak thuai hi ram chhunga energy policy thar atan a pawimawh hle tih an tarlang.

Ministry tarlan danin, LPG leh PNG hmang kawp lo tur leh gas pipe dah tawhna hmunah te chuan PNG zel chu chhungkaw tin ten an hman zui theih nan thuneihna nei committee din turin ruahmanna thar siam a ni. District Level-a Food & Civil Supplies Department hotute chu chhungtinte nena inbiakna leh LPG distributor-te nena thawk ho a, District Supply Officer aia hniam lo nodal officer atan ruat ṭheuh turin state-te hi a ngen a ni.