Sorkar laipui hnuaiah hna ruak nuai 8.23 awm : RTI

Ramchhunga ṭhalai tam tak zinga hna nei lo leh sorkar hna thawh tuma ṭhalai tam takin harsatna an tawh mek karah, sorkar laipui hnuaia hna ruak awm zat Right to Information (RTI) hmanga zawhna chhanna sorkar ministry leh department hrang hrangah hna ruak nuai 8.23 zet a awm tih tarlan a ni.

RTI zawhna hi activist pakhatin a zawh a ni a, a chhanna aṭanga a lan danin sorkar laipui hnuaia Central Armed Police Forces (CAPF), Railways, Defence (Civilian), leh Postal department te chu hna ruak ngah zual an ni. Railways hnuaiah hna ruak nuai 2.5 aia tam a awm a, Defence-ah nuai 1.5 bawr leh CAPF-ah 84,000 hna lak ngaihna tur post ruak a awm thu an tarlang.

Hna ruak tam tak hnawhkhah loa awm hian thawktute phurrit a siam a,indaih lohna avanga hna thawh tur a leta a tam avangin harsatna pawh an thawh phah fo bawk. Sorkar hotute chuan hna lakna hi zawi zawia chhunzawm zel a nih thu leh SSC leh UPSC te hmanga lak a buaipui mek a nih thu an sawi. Hei hian sorkar hna beiseitu ṭhalaite beiseina pawh a siam thar phah a ni.