PM Modi-an Mann ki Baat kaltlangin ruihhlo hlauhawmnna leh hmasawnna hrang hrang puang

Prime Minister Narendra Modi chuan Pathianni khan radio kaltlanga ram mipuite hnena thuchah sawina hun a hman ṭhin 'Mann Ki Baat' 137-na thuchah sawi lehin, ram chhunga ṭhalaite ruihhlo laka fihlim a, 'Nasha Mukt Bharat' ruihhlo do ram dinna tur te bawhzui tura thuchah a sawi. PM Modi chuan 'Viksit Bharat' puitlin tur chuan ruihhlo laka fihlim ṭhalai rual siam a ṭul ber tih sawiin, ruihhlo do kawnga ṭangrual turin mipuite a sawm.

PM Modi chuan 'Nasha Mukt Yuva for Viksit Bharat' campaign hi ram pumah chak taka kalpui a nih thu sawiin hla phuahtute, lemchan thiamte leh ṭhalaite chu ruihhlo ti lo tura infuih lam entirna tur zawngin ruihhlo do campaign buatsaih zui turin a chah bawk. Ṭhalai hmasawnna leh space thiamna chungchang sawiin, 'Mission ShaktiSAT' hmangin ram 108 aṭanga zirlai 12,000 zetin satellite technology an zir belh mek thu a sawi lang bawk a ni.

Sumdawngte leh kuthnathawktute tan pawh fuihna thuchah zep telin, 'PM SVANidhi' scheme hmangin hmeichhe sumdawng nuai 35 zet ten puihna an dawng tawh a ni. Chu lovah, Nagaland-a pangpar khawitute leh Avocado thlai thartu kuthnathawkte chanchin sawiin eizawnna thar dap zel turin mipuite a chah.

PM chuan kut hrang hrang lo thleng turah India ram chhunga siam chhuah thil 'Vokal for Local' te uar taka hmang zui zel turin mipuite a fuih bawk. Hmarchhak state-te tana puihna leh hma lakna hrang hrang te pawh thawh zui zel a nih tur thu a lang bawk a ni. PM Modi hian India ṭhalaite ruihhlo laka kan fihlim theih nan creator-te chu ruihhlo hlauhawmna leh ruihhlo aṭanga zallenna kawng thuchhah social media lama thehdarh uar turin a ngen bawk.