BJP-in Chhattisgarh-ah thla khat awh 'Seva Sankalp Abhiyan' hmang dawn

Prime minister Narendra Modi-a kaihhruaina hnuaia sorkarin mipui rawngbawlna hna kum 25 chhung a thawh tlin hriatrengna leh lawmna atan, Chhattisgarh Bharatiya Janata Party (BJP) chuan September 17 aṭanga October 17 thleng awh tur 'Seva Sankalp Abhiyan'campaign an nei dawn tih an puang. He campaign hi ram pum huapa political leh social outreach programme tur niin, 'Viksit Bharat 2047' chhungtin hnen a thlen phak tir tum na campaign a ni bawk.

State pum huapa he campaign hmalakna tur hi Raipur-a BJP state headquarter-a meeting leh workshop buatsaih a nih hnuah tihpuitlin a ni. BJP national secretary leh Rajya Sabha MP Kavita Patidar chuan party worker-te chu polling booth tin leh chhungtin hnenah PM Modi-a'n kum 25 chhung mipui rawng a bawlna hriatpuina leh lawmna atan khawnvar chhit tir vek leh, 2047 a India mahni kea a din theihna tura hmala tura fuihna nei tura ruahman a ni bawk.

He campaign-ah hian ṭhalai leh zirlai naupangte tan, "Childhood Dreams of 25 Crore Children for India" tih thupui hmangin sorkar leh private school hrang hrangah drawing, painting leh speech competition buatsaih a ni dâwn a ni. Zirlai naupangte chu Modi sorkar hmalakna leh kalphung chungchanga an ngaihdan te, Viksit Bharat 2047 atan an duhdan leh beisei te thlen turin fuih an ni dawn a ni.

Chhattisgarh Chief Minister Vishnu Deo Sai chuan he campaign hian PM Modi-a'n Chhattisgarh state nen inlaichinna thuk tak, kum tam tak a lo neih tawh ṭhin hriattir nawnna thil a ni tih sawiin, "He campaign hi symbolic event chauh a ni lo a, rawngbawlna, inpumpekna hna thawhna leh ram mipui maktaduai tam tak huap 'mass movement' a ni," a ti.