State-te tui inchuh buaina buaipuitu tur din dawn

Sorkar laipui chuan state-te tui inchuh buaina ngaihtuahtu bik tur tribunal nghet a din dawn a, hei hian state zawng zawng inkara tui chungchanga buaina awm chu a buaipui dawn a ni.

Tribunal din bakah hian, sorkar chuan Inter-State Water Disputes Act, 1956 siam- ṭha turin a ṭul dan anga bench din a rawt bawk. Mahse he bench hi chu buaina chinfel a nih hnuah ṭhiah zui nghal zel an ni ang.

Kar hmasaa union cabinet meeting-ah dan siam- ṭhat rawt≠na hi pawm a ni a, Parliament ṭhutkhawm neih leh hunah pharh tum a ni. Dan siamṭhat rawtnaah hian tribunal din bakah, Dispute Resolution Committee (DRC) din rawt a ni bawk a, DRC-ah hian expert leh policy-maker-te dah an ni ang.

Water Resources Ministry secretary Shashi Shekhar chuan, ìTribul nghet siam niin, chairperson atan Supreme Court judge chawlh tawh dah a ni ang. A ṭul hun apiangah bench pawh siam a ni ṭhin dawn a niî, a ti.

State-te inkara tui inchuh avanga buaina awm mek ngaihtuahtu tribunal hi pariat a awm mek a, hengte hian Cauvery, Mahadayi, Ravi and Beas, Vansadhra leh Krishna lui tui inchuh vanga buaina awmte an ngaihtuah mek a ni.