AgustaWestland scam : Judicial custody-ah IAF hotu hlui Tyagi dah

Indian Air Force hotu hlui, SP Tyagi chu AgustaWestland VVIP chopper scam kaihhnawihah man a nih hnuin ni 14 chhung judicial custody-ah dah a ni.

Inrinni-a Patiala House court-a Tyagi chungthu ngaihtuah a nih rual hian a laina Sanjeev leh a advocate Gautam Khaitan-te chungthu pawh ngaihtuah a ni nghal bawk.

December 9 khan CBI chuan Tyagi leh midangte hi VVIP chopper leina tura inremna siam kawnga dik lo taka thiltia puh an nih vangin an man a ni. December 10 khan court chuan CBI custody-ah ni li awm turin a thawn a, hei hi December 14 khan a zo a ni. Mahse hemi ni vek hian Special CBI judge Arvind Kumar chuan an kawl theih hun hi Decmber 17 thleng a pawhsei. Tyagi leh a thurualpui nia puhte hi VVIP-te hman tura helicopter 12 leina tura inremna siamah thamna sum tam tham tak dawngah puh an ni. Kum 71-a upa, Tyagi hi kum 2007 khan a hna aṭangin a chawl tawh.