Ramchhung Lawrkhawm

Hyderabad-ah rangkachak tlang Rs vbch 2,700 man hralh tawh

Sorkar laipuiin pawisa note lian pahnih a tih thih hnuah, rangkachak hralh a kal hle a, Hyderabad khawpui bikah cheng vaibelchhe 2,700 man rangkachak tlang hralh a ni tawh.

Enforcement Directorate chuan November 8-30 inkar khan rangkachak tlang, cheng vaibelchhe 2,700 man hi Hyderabad-ah hian lakluh a ni a, heng rangkachak mante hi pawisa note hluia pek vek an ni, a ti. Rangkachak leitute hi an inthup a, mahse agency chuan hriatchhuah tumin an zawng mek a ni.

Pakistan-ah India film chhuah khapna hlip

Pakistan rama cinema hall neitute chuan an rama India film tihchhuah an khap chu an hlip tih an puang a, December 19 aṭangin India film tihchhuah ṭan a ni ang.

Kumin September thlaa Pakistan fir≠fiakten Uri-a army base an beih hnuah, ram pahnihte inkar boruak a chhiat chhoh avangin Pakistan rama India film tihchhuah hi khap a ni. Mahse Film Exhibitors Association chairman Zoraish Lashari chuan cinema hall neituten khapna hi an hlih tak thu a sawi. India film tihchhuah khap a nih vang hian cinema lama sumdawnna a nghawng na hle a, stakehodler-te chuan India film tihchhuah hi an duh tawh a ni.

Party tana Rs 2,000 chunglam thawh khap rawt

Election Commission chuan sorkar laipui hnenah political party hnena mi tu tih hriatlohin Rs 2,000 chunglam chin thawh khapna tur dan siamṭha turin a ngen.

Hming tarlan loh hnen aṭanga political party-teín thawhlawm an dawn khapna dan hi a awm lo a, mahse The Representation of the People Act, 1951 section 29C hnuaiah chuan hming tarlan lohin sum a thawh chung≠changah ëindirect partial baní erawh a awm thung. He dan hnuaiah hian sum bihthliah chin chu Rs 20,000 chunglam a nih thung. Sorkar laipui chuan political party ṭhenkhat, Rs 500 leh Rs 1,000 note thi an party account-a dah lutte chu income tax chawi tir an ni dawn lo tih a sawi a, mahse a sum dawn chu mimal hnen aṭangin Rs 20,000 hnuailam a ni tih document an neih tel a ngai ang, a ti.