Russia leh Ukraine indonaah India mi 12 thi tawh

Russia sipaite'n Ukraine khawpui hrang hrang leh civilian awmna hmunte drone leh missile hmanga an beih tharah India mi 12 an thi a, mi tam tak an hliam phah tih Ukraine president Volodymyr Zelenskyy chuan a puang.

President Zelenskyy-a tarlan danin, Russia hian a rawn beih thut naah hian jet-powered drone leh ballistic missile tam tak a hmang a. Kyiv khawpuia rel chawlhna hmun beiin mi 7 an thih phah a, Boryspil khawpuia chenna in chhawng nga chhia avangin mi 4 thiin mi 13 an hliam phah bawk a ni.

He beihna hian chenna in leh vantlang mamawh infrastructure tam tak a ti chhia a, Odesa chhehvelah chhungkaw sang tam tak chu eng nei loin an awm phah bakah, Romania ramri bula export infrastructure pawh a tichhe nual bawk.

Zelenskyy chuan thil thleng avang hian a tuarpui thu thuchhuah siamin, air defense ralthuam puihna chak zawka pe turin khawvel ramte a ngen a. Russia hian mihring nunna tichhe tam thei ber turin an beihna hi a ruahman a ni, tiin a puh zui bawk. He beihna hi prime minister Narendra Modi-an Russian president Vladimir Putin hnenah indona titawp tura a ngen hnu lawka thleng a ni a, India mi thi ta chungchang hi sorkar thuneitute pawhin an bawh zui mek a ni.