Zirlai laka FIR hnuhkir tiam hnuah CJP-in Sept 5 a kawngzawh tum ṭhulh

Central sorkar-in National Eligibility cum Entrance Test (NEET) chungchanga lungawilohna lantir zirlai laka FIR ziah luh hrang hrangte hnukkir tur leh case-te titawp tura Supreme Court nena inremna leh inbiakna a neih hnuah, Cockroach Janata Party (CJP)-in September 5-a New Delhi-a protest march buatsaih a tum chu an ṭhulh leh tih an puang.

Tarlan danin, CJP thupuangtu Saurav Das leh Ashutosh Ranka te chuan sorkar laipui nena inbiakna leh inremna an neih hnuah, remna leh muanna ngaipawimawhin September 5 (Teachers' Day)-a India Gate aṭanga Delhi Police Headquarters thlenga kawngzawh neih tumna chu ṭhulh a nih tak thu an sawi a ni.

A tirah chuan July 25-a sorkar nena inremna siam tawh, zirlai boral ta te chhungte zangnadawmna pe tur leh police-te hren leh FIR ziah luh te thai bo tumna kawngah sorkar a che muang nia sawiin, CJP hian nawrhna hi huaihawt leh a tum a ni. August 24 khan kawngzawh tur hi an puang a, NEET entrance leak leh thil fel lo hrang hrang chhui chiang tura nawrna hi an kalpui zui ta zel a ni.

Court sangber leh Union Government lamin zirlai te leh lungawilohna lantirtu te laka FIR awm te titawp tura hma lak a nih tur thu Supreme Court hmaah ngei an tihchian tak hnuah, CJP Working Committee chuan an thil phut bulpui ber tichhing tura sorkar a inhuam avangin kawngzawh kher tul a ti ta lo a ni. Hetih rual hian, sorkar intiamnate hi uluk taka an thlithlai zui zel tur thu leh, thil rel fel tawhte chu a taka zawm a nih ngei an beisei thu an thuchhuahah an tarlang bawk.