IMA in lungawi lohna lantir

Indian Medical Association (IMA) chuan bill pathum -  National Medical Commission Bill - 2017, the Indian Medical Council (amendments) Bill - 2018, leh Consumer Protection Bill- 2018 duh lohna lantirin ram pum huapin lungawi lohna an lantir.

IMA hnuaia doctor leh medical staff-te chuan nimin khan an lungawi lohna lantir nan hian badge dum an tar a ni.

Association president Dr Santanu Sen chuan heng bill pathumte hian India rama medidcal profession leh healthcare kalhmang an thlak thei tih sawiin, hei hian abikin damlote a nghawng nasa thei hle dawn tih a sawi. IMA hian Medical Council of India dah kir leh an phut bawk. 

National Medical Commission (NMC) pawhin IMA-te lungawi lohna lantir hi an thlawp thu a sawi a, heng bill-te hi mi rethei leh mipui nawlpuite tana ṭha lo a ni tih sawiin, pass anih chuan healthcare sector chauh ni loin, ram inrelbawlna thlengin nghawng ṭha lo a awm thei dawn niin a sawi. 

Bill hmang hian medical education chung-changah sorkar laipui chu thuneihna zawng zawng pek a ni dawn a, pass a nih chuan Indian Mecidal Council Act, 1956 pawh a hnawl thei dawn niin Sen chuan a sawi. Hei bakah hian medical college hrang hranga seat 50% chu sorkar kuta dah tura tih a ni bawk.