SIR kalpui mek hi dan ang ni mah se, thil dik ber a ni lo: Ashok Lavasa

Election Commission of India-in electoral roll ennawnna, Special Intensive Revision (SIR) a kalpui mek chungchangah Election Commissioner hlui Ashok Lavasa chuan thuchhuah siamin, thil thleng mek chu dan anga kalpui ni mah se thil kalphung pangngai a tling tawk lo nia a hriat thu a sawi.

Ashok Lavasa chuan SIR kalpui chhoh mekah hian mipuite dikna chanvo leh hamṭhatna khawih tel ṭhin a nih dan te, ziah luh leh thlitfimna atana thil pawimawhte thlak a nih thut theih dan te chu a sawi chhuak. Electoral rolls tihchhuah ṭhin chungchangah thil hrang hrang a fel loh ṭhin dante sawiin, duhthu a sam lohna tam tak a awm thu a tarlang bawk.

Lavasa hian SIR kalpui dan hian dan lam aṭanga thlirin harsatna lian tak thlen lo mah se, mipuite tana pawm nuam leh awlsam zawk tur zawnga duan a nih loh chuan vantlang rinna leh hriatfiahna tur a tikiam ṭhin a ni, a ti. Hetiang a nih avang hian hmalakna kawngah dan zawm satliah mai a tawk lo a, mipuite rin ngam tura dikna leh finfiahna awm hi a pawimawh hle tih a sawi.

Ramchhunga political party leh NGO hrang hrangte pawhin an ngaihdante an lo tarlang tawh a, election buatsaihna leh voter ziah luh kawngah felfai leh chiang zawka kalpui a nih theih nan sorkar leh a kaihhnawih hotute pawh inpuahchah nasa deuh tura ngenna hmun hrang hrangah a thleng chho mek bawk.