Rajnath Singh leh Sri Lanka President Dissanayake inkawm

Defence minister Rajnath Singh leh Sri Lanka president Anura Kumara Dissanayake te chu nimin khan Sri Lanka khawpui, Colombo-ah an inkawm. Ram pahnihte inlaichinna tihhmasawnna leh sipai lam thawh hona chungchangah bilateral meeting pawimawh tak neihpuiin thawhho zel an tum thu an puang.

Rajnath Singh hi Sri Lanka-ah hian ni thum cham tura zin a ni a, a cham chhungin ram pahnih inlaichinna tihchak leh defence lama thawh hona huang zauh te, Indian Ocean biala maritime security tihhmasawnna tura hma lak an tum a ni. Rajnath Singh-a'n Sri Lanka a tlawh hi kum 38 chhunga India defence minister-in Sri Lanka a tlawhna hmasa ber a ni bawk.

Singh chuan president Dissanayake-a sorkarin kum hnih hlawhtling taka rorelna fawng an vuan thei chu lawmpuina a hlan. Social media platform X-a a tarlana danin, "Vawiin khan Colombo khawpuiah Sri Lanka president Anura Kumara Dissanayake nen inkawmna hlawhtling leh hlawk tak mai kan nei a ni," tiin a tarlang.

India leh Sri Lanka te chu pipute aṭanga inhnai vai tak, ṭhenawm ṭha leh tuipui biala thawk dun an ni tih sawiin, ram pahnih tana hmakhaw ngai tak leh mipuite hmasawnna tura thawh ho zel te, ram hnih bial chhung muanna, hmasawnna leh venhimna humhim tura thawh ho chhunzawm zui zel an inrem thu a tarlang tel bawk.