S. Jaishankar leh Prince Rahim Aga Khan V inkawm

External affairs minister S. Jaishankar chuan Ningani khan Shia Ismaili Muslim sakhaw hruaitu leh Imam 50-na, Prince Rahim Aga Khan V chu New Delhi-ah a kawm. hruaitu pahnihte hian Aga Khan Development Network (AKND) in vantlang hmasawnna leh inrochun thil hlu vawnhimna hna an thawh dante leh chhawr ṭangkai theihna tur dangte an sawi dun.

Minister S. Jaishankar chuan X-ah thuchhuah siamin, Aga Khan Development Network-in vantlang hmasawnna leh rochun thil pawimawh humhalh a, hma an lak dante ṭha a tih thu a tarlang.

Ismaili Muslims-te hruaitu Prince Rahim Aga Khan V hi vice president C.P. Radhakrishnan-a sawmna chhangin Nilaini khan India a rawn thleng a, hei hi Imam 50-na a nih hnua India ram a tlawhna hmasa ber a ni. September 15 thleng a cham ang. President Droupadi Murmu, prime minister Narendra Modi leh home minister Amit Shah te pawh a hmu a, lo neih hmasawnna leh hmun kilkhawr zawka hmasawnna hna thawh chungchangte an sawiho a ni.