Egypt President El-Sisi leh PM Modi inkawm

Prime minister Narendra Modi leh Egypt president Abdel Fattah El-Sisi te chuan Pathianni khan New Delhi-a 18th BRICS Summit nei karlakah bilateral talks neiin an inkawm.

Ram pahnih hotu lute hian thil pawimawh hrang hrang an sawi dun. Sipai, sumdawnna, diplomacy leh technology lama India leh Egypt inṭhianhatna tihchangtlun zual dan tur te chipchiar takin an sawidun a ni.

PM Modi chuan Egypt ramin BRICS-a full member-a an zawm hnua thawh hona ṭha zawk an nei thei chu lawmawm a tih thu leh an hlawkpui chho hle a tih a sawi. BRICS hi ram hmasawn zawnga ṭhan duhte tana pawl pawimawh tak a nih angin, Global South duhnate tihhlawhtlin nan ram pahnih te an thawk dun zel dawn tih a sawi bawk. President Abdel Fattah El-Sisi pawhin India nen inzawmna nghet leh duhawm tak an lo neih tawh ṭhin chu chhunzawm zel a duh thu sawiin, West Asia leh Middle East vela inremna leh ralmuanna thleng tura India ram hmalakna leh dinhmun pawh a fak hle.

Summit-ah hian BRICS New Delhi Declaration 2026 pawh lungrual takin an pawm a, pawikhawihna leh firfiaka chetna te do dun zel a ni dawn tih an nemnghet a ni. PM Modi-a’n a tarlan danin, BRICS hi khawvel rorelna sang leh pawimawh ber pakhat a ni ta a, hmasawnna tlo leh thiamna thar chherchhuah zel nan member ramte chu a tichak chho zel turin an thawk ho zel dawn a ni, a ti.