Bihar sorkarin professor 100-te Oxford-ah specialise training nei turin thawn dawn

Bihar-a college hrang hranga assistant professor thar lak zinga mi 100-te chu khawvel huapa zirna in langsar leh ṭha, Oxford University leh khawvel hmun hrang hranga zirna in pui dangah specialised training leh zir zauna nei turin tirh chhuah an ni dawn tih state sorkar chuan a puang. State sorkar chuan a budget ruahman aṭanga 21% vel chu zirna pual hian a hmang chhuak ṭhin a ni.

He ruahmanna hi Bihar chief minister Samrat Choudhary chuan Pathianni khan Patna hmuna Assistant Professor lak thar mi 2,451-te puala orientation session neihna hmunah a puang. Chief Minister chuan state sorkar puihna hmangin zirtirtute hi tunlai zawk zirtirna kaltlanga inbuatsaihna thar nei tura thawn an nih tur thu a sawi.

CM Choudhary chuan zirna quality tihchangtlun chu zirtirtute zirzauna leh hmasawnna tura thawh ho thiamna atan a pawimawh hle tih sawiin, Bihar chu ram chhunga degree college 211 nikhat thil thua a din thei hmasa ber an nih thu a tarlang tel bawk. He hmalakna hlawhtlin zel theihna turin CM chuan zirtirtute chu an zirlai enkawl zawng zawngte college-ah 75% kal tir ngei ngei turin a hriattir a, taima tak leh mawhphurhna ngaipawimawh chunga thawk turin zirtirtu tharte hi a chah nghal bawk.