Bangladesh-in India nena inlaichinna inbiakna hmanga siam thar an duh

Bangladesh sorkar chuan India nena inlaichinna an neih sa chu siam ṭhat a, inbiakna hmanga ram pahnih duhdan ngaipawimawh chunga thawh dunna thar din an duh thu an puang. State minister for foreign affairs Humaiun Kobir chuan, prime minister hlui Sheikh Hasina rorelna hnuaia inlaichinna chu 'duhawm lutuk lo' tia sawiin, thawh dunna thar hi a pawimawh hle tih a sawi bawk.

Bangladesh sorkar aiawh minister Humaiun Kobir chuan India nena inlaichinna hi ram pahnih inbiakna 'bilateral discussions' hmanga siam ṭhat tur a nih thu leh, multilateral forum dang hmanga kalpui loin inbiakna fiah leh felfai zawk neih a ngai tih a tarlang.

India leh Bangladesh inkar inlaichinna hi August 2024 a ṭhalaite helna leh nawrhna avanga Hasina kaihhruai sorkar a tluk hnu leh, India rama Hasina a tlanchhiat tak hnu khan a chhe zual hle a ni. Minister Kobir chuan Bangladesh chu India lam hawi chauha thil thlir tur a ni lo a, khawvel ram dangte nena inlaichinna nghet tak siam an duh a, India pawh ram dangte ang bawk a inzah tawnna nena thawhpui tur an nih thu a sawi.