Bihar-a tuilianin chhiatna a thlen dan enfiah dawn

Bihar-a tuilianin chhiatna a thlen hrang hrangte enfiah a zir chiang turin Central Ministerial Team te chu vawiin hian Bihar-ah an zin dawn. Central team hi union agriculture and farmers welfare minister Shivraj Singh Chouhan-a'n a ho dawn a ni.

Tuilian hian Bihar-a district 15 chhung a tuam mek a, mihring nuai 49.67 bawr velin harsatna an tuar mek a ni. Ganga leh lui dung hrang hrangte chim chin hniam hret hret mah se, tui chim chin hian hlauhawm tehna a pel vek thung. Central hotute thlen hmain union home minister Amit Shah chuan Bihar chief minister Samrat Choudhary chu telephone hmanga be pawpin an dinhmunte a zawt fiah tawh bawk.

CM Choudhary chuan official-te chu tuilian tuarte puihna hrang hrang sem turin an buai nasat thu a sawi a, relief camp hrang hrangah damdawi leh ei tur pek niin, district hrang hrang changtu minister-te pawhin a hmunah chhiatna thlen dan dinhmun hi an enfiah zel tih a tarlang.

Hetih laiin Opposition Leader Tejashwi Prasad Yadav chuan sorkar laipui chu Bihar laka hleihluak taka cheah puhin, Bihar tana 'special package' duan pe nghal turin a phut ve thung. Eptu lam hian sorkar puihna hi tuilian tuartute hnen a thleng ṭha tawk lo nia sawiin ṭanpuina mumal zawk an phut a ni.