WBengal BJP Headquarters-ah PM Modi lim hawng

Prime minister Narendra Modi-a kum 76 piancham pualin West Bengal state Bharatiya Janata Party (BJP) headquarters, Kolkata-ah a lim hawn a ni. He milim hi fit 5.7-a sang, thir leh wax hmanga siam a ni a, PM Modi-a piancham pha pual bakah sorkarna siama kum 25 ram rorelna hna a chelh tlinna pual a ni bawk.

He milim hi Asansol sculptor Sushanta Roy-a duan leh siam a ni a, PM Modia-a nihna leh a lan dan dik tak phawk chhuak tura uluk taka siam a ni. Bengal BJP hruaitute chuan he milim hawnna inkhawmah hian PM Modi-a piancham lawmna tiropuitu ber pakhat a nih thu leh, party worker-te tan phurna thar siamsaktu a nih thu an tarlang. He hmun hi mipuite tlawh theih tura ruahman nghal a ni.

Modi-a piancham pual hian rampum huapin BJP-ten 'Sewa Pakhwada' (Vantlang Rawngbawl Hapta) an buatsaih a; thilthlawn pek sem, thisen pek runpui leh free clinic-te an buatsaih. Bengal state BJP pawhin hmun hrang hrangah social work leh hnatlang hrang hrang an thawk zui a ni.

BJP hruaitu lian ber ber ten ruahmanna hrang hrang siamin, PM Modi-a'n mipui rawngbawlna kum 25 tlin champhaphak nen lawmna neih kawp a nih angin, thla khat chhung awh tur 'Sewa Pakhwada' kal pui a ni zui dawn bawk.