Ganesha lim cheina atan Rs vbc 1.93 hmang

Telangana state-a Ganesh Navaratri lawmna neihah Vasavi Colony, Shivanagar-a Vinayaka Trust Bhavan-a Ganesha lim chu pawisa note hmanga chei a ni a, a cheina atana an pawisa note hman hi a vaiin Rs vbc 1.93 a tling.

Pawisa note tam tham tak hmanga Ganesha lim an chei hian ngaihven a hlawhin, tlawhtu pawh an tam hle. Organiser-te chuan kum hmasa lamah pawh Ganesha lim hi pawisa note hmanga chei a lo ni tawh ṭhin thu sawiin, nikum khan Rs vbc 1.51 an lo hmang tawh bawk. Kuminah a cheina atana hman hi Rs nuai 42 in a pung tih an sawi. Lim cheina atana sum tam tak hman a nih avangin venhimna lam pawh an uluk hle. CCTV camera leh private security mite pawh pandal-ah dah vek niin, uluk takin lut leh chhuakte pawh an thlithlai reng a ni.

Trust chuan Ganesh Navaratri lawmna hi kum 23 chhung an lo buatsaih tawh tih sawiin, sakhaw hun pawimawh tak tak an hmang ṭhin a, hemi hun chhunga tlawhtu pawh hi an tam hle ṭhin.