72nd National Film Award sem a ni

72nd National Film Awards semna inkhawm chu Thawhlehni khan Gujarat-a Ekta Nagar (Kevadia)-ah ropui taka neih a ni a. India Rama lemchan khawvel chawimawina sang ber tling, National Film Awards hi president Droupadi Murmu chuan chawimawina dawngtute hnenah a hlan. India cinema khawvela thawh hlawk tak, kum 50 chuang sulhnu nei tawh senior actor Anant Nag hnenah cinema chawimawina sang ber Dadasaheb Phalke Award hlan a ni. Anant Nag hi Kannada cinema mai bakah Indian cinema-a a thawh hlawk em vang a dawng a ni.

Best Actor lawmman la tur hian mipa pahnih thlan an ni a, Malayalam actor lar Mammootty 'Bramayugam' film-a a chan vang leh Bollywood actor Kartik Aaryan 'Chandu Champion' film-a a chan vangin awards hi an dawng. Best Actress atan Yami Gautam chu 'Article 370' film-a hnehsawh taka a part a rawn chan chhuah avangin hlan a ni bawk

Ṭawng hrang hrang film zingah 'Article 370' chu 'Best Feature Film' atan thlan a ni a, hei hian chawimawina pathum a hum haw thei a ni. Tin, Telugu film lar 'Pushpa: The Rule 2' leh 'Kalki 2898 AD' ten chawimawina pahnih ve ve an dawng a ni.

President Murmu chuan chawimawina dawngtute a lawmpui rualin, lemchan thiamte chu ram leh hnam tana mipui, a bik takin ṭhalaite leh naupangte kawng dik kawhhmuhtu an nih bawk avangin hriselna tichhe thei leh thil ṭha lo lam do tura zirtir theitu leh mawhphurhna nei an nih thu a sawi.