Sonia leh a fate SPG cover titawp

Sorkar laipui chuan Congress party hruaitu, Sonia Gandhi leh a fate, Rahul Gandhi leh Priyanka Gandhi-te Special Protection Group (SPG) security cover pek chu a tihtawp sak a, Central Reserve Police Force (CRPF) in an veng tawh zawk dawn. 

Gandhi chhungkua hi Z+ secu­rity pek an la ni tho a, mahse SPC ni loin, CRPF ten India ram chhungah chuan an veng tawh dawn a ni. Security agency-ten Gandhi chhungkua chungchang an zir­chiannaah, an nunna atana hlauh­awm thei thil vauna an tawk lo nia an sawi hnuah sorkar chuan he thu­tlukna hi a siam ta nia sawi a ni. 

SPG hi ramchhunga security tier zinga a sang ber niin, kum 1984-a prime minister hlui Indira Gandhi, ama bodyguard-ten an kahhlum hnuah khan din a ni. SPG-ah hian sipai 3,000 an awm a, an security dinhmun azirin prime minister hlui leh an chhungte vengtu atan dah an ni. 

SPG venhimna hi mi pali hnenah pek a ni a, PM hlui Manmohan Singh leh Sonia Gandhi leh a fate pahnih hi an veng a ni. Mahse tunhnaiah sorkar chuan Manmohan Singh SPG cover hi a lo tihtawp sak tawh bawk.