Karnataka by-election neih hun sawn hla turin ngen

Karnataka-a disqualified MLA-te chuan nimin khan Supreme Court  hnenah, De­cember 5-a assembly by-election neih tur chu sawn hla turin an ngen. MLA 17-te hi Karnataka chief minister hlui, HD Ku­maraswamy kaihhruai fiah a nih dawnah an party ṭan lam an thlak avangin MLA an nihna aṭangin ban an ni. Heng MLA ban takte bialah hian December 5-ah by-election hi neih a ni dawn a ni. Disqualify an nih chungchangah hian Supeme Court-ah petition an lo thehlut tawh bawk. 

MLA ban te aiawha ding, senior advocate Mukul Rohat­gi chuan December 5-a by-election neih tur atana nomina­tion paper hi Novembr 11-18 inkarah thehluh a ngai tih sawiin, MLA banten Supreme Court-a ban an nihna an khin letna hi court-in a la ngaihtuah fel loh avangin nomination paper an thehlut ve thei dawn lo a ni, a ti. Hei vang hian petition an thehluh chungchanga court thutlukna nghak phawt a,by-election neih hun tur pawh sawn hla turin a ngen.

Election Commisison chuan MLA bante petition thehluh avang hian October 21-a by-election neih tura tih chu December 5-ah hian a lo sawnhla tawh a ni.