CJI-in Patna-ah Victim Rights Centre hmasa ber hawng dawn

India rama a hmasaber tur, kut tuartute dikna chanvo humhalhna kawnga hma la tur, 'Victim Rights Centre' chu Chief Justice of India (CJI) Surya Kant chuan September 26 hian Patna, Bihar-ah a hawng dawn. He hmun hi pawikhawihna tuartu, a bik takin hmeichhia, naupang leh dinhmun hniam zawkte tana dan thila thurawn lakna leh puihna petu pawimawh tak a ni dawn a ni.

Suahsualna leh thil sual tuartu, victim-te hian rorelna dik an hmuh theihna turin police station, damdawi in-te, court-te leh sorkar pisa hrang hrangte a hrana an dawr fo a ngai ṭhin. Mahse, he centre hian heng harsatna tawkten hmun an pan ngaite hmun khata dah sak a, an case te chhinchhiah leh awmze nei taka kalpuia hnathawh te a tum dawn a ni. Victim-ten thuneitu hrang hrang hnena statement an pek ngai ṭhin pawh hemi centre kaltlang hian tihtawp sak tum a ni bawk. Pawikhawihna tuartute hian ṭanpuina leh chhawmdawlna an dawng ngei tih fiah a nih hma chuan an case hi hawng reng tura tih a ni bawk.

'Victim Rights Centre' hi Patna High Court leh Legal Services Authority te ṭangkawpin an buatsaih a ni. Hawnna inkhawmah hian CJI Surya Kant bakah Supreme Court Judge dangte, Patna High Court Chief Justice leh Bihar Legal Services Authority hotute an tel ang.