Wangchuk-a'n Leh-a tharum thawhna vangin Amit Shah bang turin phut

Climate activist lar, Sonam Wangchuk chuan nikum September 24-a Ladakh tana statehood leh Sixth Schedule an phutnaa Leh-a buaina chhuaka mi 4 an thih chungchangah union home minister Amit Shah chu bang turin a phut. Hemi rual hian sorkar laipui a sawisel avanga ama nunna ngei pawhin a tuar theih tur thu a sawi nghal bawk.

Ningani September 24 kha buaina chhuah cham niin, nunna chan mi 4-te hriatrengna pual inkhawmah Wangchuk-a chuan he thu hi a sawi a ni. Amah ngei pawhin a nunna atan pawi thei tura vauna a tawh thu sawin, "Tihhlum ka lo nih pawhin kan ram a tihharh phah dawn chuan a pawi lo," tiin ram hmasawnna leh zalenna atana inpek a inpeih thu a sawi.

Wangchuk hian September 2025-a buaina thleng chhui mektu judicial inquiry report chu mipui hriata puanzar a nih loh chuan, mipuiin mahniin 'people's tribunal' din a, thil thleng chhui zui a nih tur thu a sawi a. Kum liamtaa buaina thleng chungchang chhui turin Home Ministry chuan Supreme Court judge hlui Justice B.S. Chauhan a lo ruat tawh a ni.