Supreme Court official language atana Hindi hman dilna hnawl

Supreme Court chuan a official language atana Hindi ṭawng hman a nih theihna tura Commission emaw Committee emaw ruat phutna Public Interest Litigation (PIL) theh luh chu a hnawl.

Chief Justice D.Y. Chandrachud leh Justice P.S. Narasimha te ṭthutna bench chuan he thil hi ngaihtuahin, Supreme Court leh High Court-te official language atana English hman tura duangtu Constitution provisions-te a tarlang nghal a ni. Article 348 hnuaiah Supreme Court leh High Court thutkhawmna hmuna ṭawng hman ber chu sap ṭawng (English) a ni tur a ni, tiin Bench chuan a hrilhfiah.

Bench chuan he petition theh luttu chuan sorkar hnenah rawtna hi a duh chuan a thlen thei tih sawiin, judiciary berin hetiang thil hi a enfiah emaw commission ruat emaw chu a tih tur a ni lo tih a tarlang. Constitution a awm sa piah lamah court-in thil thar a siam thei lo tih tarlangin, Judicial forum chu Parliament emaw Executive thuneihna emaw huang chhunga thil tih dilna atana hman tur a ni lo tih Supreme Court chuan a tarlang tel.