Mann Ki Baat : PM-in hel pawl dim an nih loh tur sawi nawn

Prime minister Narendra Modi chuan thla tina radio kaltlanga thu a sawi ṭhin, 'Mann Ki Baat' chu nimin khan a hmang leh a, kum 2016-a Indian Army-ten hmelma ram chhunga helho bihrukna hmun a beihna 'surgical strike' chu, India ramin helna leh firfiaka chetna a tuar ṭhinna a chhan letna namai lo tak leh India dinna tichiangtu a ni, a ti. India ram chuan helna leh firfiaka chetna lakah Zero Tolerance, ngaihdamna awm lo policy khawvel hmaa a lantir tur thu a sawi.

September 28–29, 2016 zana Jammu and Kashmir-a Uri ramchhunga sipai hmunpui beih a nih hnu khan, India sipai chhuanawm tak takte chuan Line of Control (LoC) piah lama hmelma leh helho awmna beihna pui tak an lo kalpui tawh a ni. PM Modi chuan, " Helna leh firfiaka chetna hmanga India inunauna tichhetute chu engtikah mah dim an ni ngai lo ang. Kan sipai rualte chet dan fakawm tak khan khawvel a ṭhawng hle a, India ram tana helna leh firfiak hmachhawn dan kawng thar a hawng a ni,"a ti.

PM Modi chuan ram chhung mipuite chu tualchhung Census beihpui thlak mekah ṭha taka tel tur leh online hmanga in-register theihna awmte ṭangkai taka hmang turin a chah nghal bawk. Ram chhung ṭhalaite tan ruihhlo dona 'Nasha Mukt Yuva Abhiyan' hmanga zirtirna pe a, ruihhlo do kawnga intiamna leh, chhungkaw tin te ram humhimna leh inpumkhatna kawngah mawhphurhna la ṭheuh turin a chah tel bawk.