Sri Lanka rorel lai party aiawhten India rawn tlawh

Sri Lanka-a rorel lai, Janatha Vimukthi Peramuna(JVP) aiawh mi panga awmna chuan nimin Pathianni September 27 aṭanga October 1 thleng cham turin India an rawn tlawh. JVP aiawhte hi party general secretary Tilvin Silva in a rawn ho dawn a, BJP hruaitute nen inkawmna hun an hmang nghal bawk ang.

Silva bakah JVP central committee member Chandra Adikari, member of Parliament Aboobucker Athambawa, bakah district committee member Kabilan Suntharamoorthy leh international deparment member Kalpana Madhubhashini te an tel bawk. BJP foreign affairs department in-charge Vijay Chauthaiwale chuan Sri Lanka aiawhte hian BJP national president Nitin Nabin, national general secretary B.L. Santosh leh BJP hruaitu senior-te an kawm dawn niin a tarlang.

Chauthaiwale chuan ram pahniha rorel lai party BJP-JVP hruaitute inkawmna hian pawl inrelbawlna kalphung inhriat tawnsak leh party pahnihte thuk zawka thawh dunna an neih theihna thlen tir chu an thil tum ber a nih thu a sawi.