India-Canada-in a ṭum ngana turin CEPA chungchanga inbiakna nei dawn

India leh Canada chuan ram pahnih inkara insumdawn tawnna tura inremna, 'Comprehensive Economic Partnership Agreement' (CEPA) ziak tura thil ṭul bawhzuiin vawiin aṭang hian an inbiakna tum ngana an ṭan leh dawn. Inbiakna hi Ottawa-ah neih a ni ang.

Mumbai khawpuia inbiakna neih zawh hnuah, hmabak thawh tur hrang hrangte chak zawka bawhzui a nih theih nan commerce and industry minister Piyush Goyal leh Canada official-te chuan inremsiamna an lo nei tawh a ni. Ram pahnih hotute chuan kumin 2026 kum tawp ral hma ngei hian CEPA inremna fel tak neih hman ngei an tum ruh hle.

India leh Canada hian kum 2030 thlengin an insumdawnna hlutna hi Canadian Dollar tluklehdingawn a nih theih nana thawk dun reng tura inremna siamin, target an lo siam tawh bawk. Hemi atan hian critical minerals, energy, technology leh mimal ruahmanna hrang hrangte thlengin inremna zau zawk siam chhoh tum a ni.

Inbiakna thar aṭang hian Canada aṭangin sumdawng lian hrang hrang aiawh mi 300 vel India-ah an rawn zin luh an rin thu official chuan an sawi a, he thil hian ram insumdawnna leh inlaichinna a tihlen belh hle tura ngaih a ni. Canada prime minister Mark Carney-a'n kumin December-a prime minister Narendra Modi-a'n Canada a tlawh tur thu a sawi hnuah inbiakna hian chak leh zualin hmasawnna a nei thar leh bawk.