Tuipui lama thawh hona tur Saudi, Belgium leh Bhutan nen sawi ho

Union minister for port, shipping and waterways Sarbananda Sonowal chuan Ningani khan tuipui lama thawh hona chak zawk neihna turin Saudi Arabia, Belgium, leh Bhutan hruaitute nen inkawmna hun an hmang. Inkawmna neih hi Sagarmanthan: The Great Ocean Dialogue 2026 News Delhi-a neih kar lakah an nei a ni.

Saudi Arabia lam chuan India port project-ah investment tih an duh niin Minister hian a sawi a, Vadhavan leh Galathea Bay bakah Maritime Development Fund-ah pawh rawn invest an huam thu a sawi. Ram pahnihte hian lawng siam, lawnga thawktu zirtirna pek, leh tuipui kaltlanga bungraw phurhna thuam chakna turte an sawi nghal bawk.

Belgium minister for mobility, public work, port and sport Annick De Ridder pawhin India lawngchawlh hmun leh Antwerp-Burges-a green shipping corridor siamna tur rawtnate a thlen. Green Fuel, smart port technologies chungchangte an sawi dun bakah Antwerp lawng chawlhhmun nena capacity building siam tura inremna an ziak bawk.

Bhutan minister Chandra Bahadur Gurung leh Sonowal-te chuan Bhutan cargo -te global market-a thawn chhuahna tura thawh dunna turte an sawi dun bawk. Hei bakah hian minister of sate for ports, shipping and waterways Shantanu Thakur chuan Greece, Lithunia, Mozambique leh Myanmar aiawhte chu a hrangin meeting a neihpui bawk a ni.