Kerala Assembly-in CEC ban phutna resolution pass

Ram chhung hmun hrang hranga chief election commissioner Gyanesh Kumar chet dana lungawi lohna a punlun chho zel hnuah. Nimin khan Kerala Legislative Assembly chuan CEC bang tur leh, Election Commission of India (ECI) inrelbawlna langtlang leh ṭha zawka siamṭhat phutna resolution an pass.

Rorellai, Congress kaihhruai United Democratic Front (UDF) leh eptu pawl, CPI (M) kaihhruai Left Democratic Front (LDF) chuan chief minister V.D. Satheesan put luh resolution an thlawp ve ve a ni. BJP erawhin dodalin, resolution-a an ziah dan chu siamṭhat an phut a, mahse, hei hi hnawlsak an ni.

House chuan tun hnaia ECI kalphung leh rorel dana thil fel tawk lo awma puhna hrang hrangte chu ngaihzam mai chi a ni lo tih sawiin, hei vang hian CEC chu ban a, ECI chu mipuiten an rin ngam a nih leh theihna tura siamṭhat a ngaih thu a tarlang. Sorkar laipui leh ECI chu Special Intensive Revision (SIR) kalpui mekah thil felhlel nia awmte siamṭha a, mitinten voting rights an neihte chu vawn him sak turin an phut tih an tarlang.