BIMSTEC-in firfiak dona atan 'Delhi Declaration' pawm

India chuan a ṭum khatna atan Bay of Bengal Initiative for Multi-Sectoral Technical and Economic Cooperation(BIMSTEC) Home Minister meeting chu Thawhlehni khan a thleng. Hun hmanah hian regional bloc-te chuan firfiak pawl chet dodalna tur 'Delhi Declaration' an pawm.

BIMSTEC hi Bangladesh chair-na hnuaiah awm mekin, declaration hi member ram Bhutan, India, Myanmar, Nepal, Sri Lanka leh Thailand te nen lungrual taka pawmin hming an ziah hnan a ni. Declaration-ah hian firfiaka chetna nuai bo a nih theihna turin khawvel huapa pawm firfiak dona kalpuina, anti-money laundering standard mila kal chu pawm a ni.

Member ramte chuan firfiak pawl chetna leh tharum thawhnate chu na taka dodalin, ramri kana rawlrala chetna hrang hrang thlengte pawh an dodal tlat tih Declaration-ah hian tarlan a ni. Firfiaka chetna leh tharum thawhna hrang hrang nuai bona tur hian awmze nei leh daih rei zawk turin UN charter leh international law mila kalpui a ni ang.