India leh Canada thawk dunin khawvel ngelnghet leh ṭha zawk siam: PM Modi

Prime minister Narendra Modi chuan Thawhlehni khan Canada prime minister Mark Carney chu phone call hmanga biain, insumdawn tawnna tura inremna neih thuai an remti. Hruaitu pahnihte inbiak hma hian Canada minister hrang hrangte chuan India-a an portfolio ang chelhtu minister-te chu inkawmna an rawn neihpui tawh bawk. Modi chuan India leh Canada thawk dun chuan khawvel ngelnghet leh ṭha zawk siamna kawngah an thawh hlawk hle a ni, ati.

Kar liam ta khan National security advisor Ajit Doval chuan Canada Senior diplomatic and international affairs advisor David Morrison chu 'venhimna leh dan leh thupek kenkawhna' kawnga ram hnihte thawh dunna tur chungchang a sawipui. Nimin zing khan Jaishnakar leh Canada foreign minister Anita Anand-te chuan 'Middle Power Moment' thupui hmanga sawi hona neihah an tel bawk a, he hunah hian Britain prime minister Rishi Sunak leh Australia prime minister Kevi Rudd pawh an tel.

Official tarlan danin India leh Canada hian thawh dunna tur inremna hi December thla laihawlah an puan hman beisei a ni . Inremna hi an siam thei a nih chuan, kum 2025 -a an insumdawn tawnna hlut zawng, USD tld 23 chu a let a tihpun an tum bawk.

PM Modi chuan Carney nena an inbiakna chu hlawkthlak a tih thu sawiin, file pawmawh hrang hrang - trade, energy, technology, security leh mipuite inpawh tawnna turah thawh dunna ṭha tak siam an tum tih a sawi. Canada Prime Minister Office pawhin hruaitu pahnihten inbiakna an neih chungchang hi tarlangin, Modi-a'n an ram a tlawh hunah inremna pawh hi puan beisei a nih thu an sawi. Modi hian kum 10 chuang hnuah a vawi khatna turin December thla laihawlah Canada-ah zin a tum a ni.