Rajnath Singh-an India leh ASEAN ramte thuk zawka thawh dun rawt

Defence minister Rajnath Sing chuan ASEAN-India Defence Think Tank Forum, Manohar Parrikar Institute for Defence and Analyses(MP-IDSA) New Delhi-a hmanah thu sawiin, Associatian of Southeast Asian Nations(ASEAN) nena defence leh technology huanga thuk zawka thawh dunna neih a rawt. Thawh dunna tur hian joint research, sipai hmanrua siamchhuah dun leh tuipui venhimna lama harsatna hmachhawn dun chungchangte a tarlang.

Singh chuan inrin tawnnate, thuneihna in zahsakte, international law chawinun leh inbiakna kaltlanga venhimna tiderthawng thei leh harsatna awmte sawi ho chu a ṭul thu a sawi. Thawh hona hnuaia ram hrang hrangte chu an ṭan lam tur thlang turin nawr luih tur an ni lo, a ti bawk.

India Act East Policy bakah Security Growth for All in the Region (SAGAR) leh Mutual and Holistic Advancement for Security and Growth Across Regions (MAHASAGAR) hmathlir chu ASEAN kaihhruaia hmalakna New Delhi's Indo-Pacific approach nen a inmil thu Singh chuan tarlang bawk. India leh Asia chhimchhak ramte chu tuipui huam chhung inṭawm an nih thu sawiin, tupui lama thawh dunna ṭha zawk neih a pawimawh zia tilangtu a nih thu a sawi.