SIR hi tihtawp thuai ni rawh se: Congress

Congress party chuan nimin Pathianni khan Chief election Commissioner(CEC) Gyanesh Kumar chu a hna chelh aṭanga ban thuai turin leh, roll ennawnna Special Intensive Revision(SIR) ram puma kalpui tawh chu a rang thei ang bera titawp turin an phut thu an tarlang nawn leh. Congress chuan Election Commission-in voter roll chhiar theih party tin hnena an tihchhuah chu ram pum huapa vote rukna 'Vote Chori' duh lohna lantir avanga an tihchhuah a nih thu an tarlang bawk.

Lok Sabha leader of opposition Rahul Gandhi chuan hun eng emaw chen liamta aṭang khan Elelction Commission of India (ECI) chu electoral roll mahni duhdana zawn chhuah theiha party tin hnena pe chhuak turin a dil ṭhin thu Congress general secretary in-charge of Communication Jairam Ramesh chuan a tarlang. Mahse, Gandhi-a'n a dilnate chu vote rukna kalpui a nih theihna turin hnawlsak a nih ṭhin thu leh, ramchhunga lungawi lohna hrang hrang lantir hnuah an tichhuak leh ta zawk niin a sawi.

Ramesh chuan CEC Kumar chuan PM Modi leh HM Amit Shah-te thurawn angin hma a lak thu leh, hei hian ECI laka vantlang rinna neihte chu a tichhe zui niin a tarlang. CEC chu tuma hum theih a nih loh thu sawiin a bang ngei tur a ni, a ti a; ECI leh IT system ngei pawh uluk taka siam ṭhat a ngaih thu a sawi lang bawk. Ramsh hian rang taka SIR tihtawp phutin danpuiin a phut anga mi vbc 13 chuang vote theihna zalenna dan a pek a tihchhiatsak zawk thu a tarlang bawk.

ECI hian state leh Union Territoris 17-ah roll ennawnna hi a kalpui a, heng zinga ṭhenkhatte hi kum thar lama inthlan hmachhawn turte an ni hlawm. Heng state leh UT-a final electoral roll hi nakkum January 4 ah tihchhuah hman tum a ni chauh bawk. Sawiselna leh ngenna hrang hrang thlen a nih hnuah, a ṭum khatna turin ECI chuan roll thar siam zawhfel tawh chu chhiar theih turin soft leh hard copy-in a tichhuak dawn a ni.