SC-in RG Kar College principal hlui Sandip Ghosh bail phalsak

R.G. Kar Medical College, Kolkata-a kum 2024-a doctor zirlai pawngsual leh thah a nih kaihhnawih hrang hrang avanga man, principal Sandip Ghosh chu Supreme Court chuan man a nih chhan pakhat sum tihchingpen thubuai aṭangin bail a phalsak. Ghosh hi a medical collage leh hospital enkawla doctor zirlai thihna thleng thup tum, pawikhawihna hnuhma tihbo tum leh sum leh merit list tihchingpen kaihhnawihahte thubuai siamsak a ni.

Ghosh thubuai chungchang hi kum hnih chuang ngaihtuah niin, thutlukna siam a la ni lo a, thuhretu 147-te aṭangin mi pasarih chauh thu zawhchian an la ni bawk niin SC chuan a tarlang. Gosh thubuai ngaihtuahtu bench chuan Ningani liam ta khan thupek tichhuakin, High Court-in thutlukna a lo siam tawhte ngaihtuah chungin bail phalsak a nih thu an tarlang a; mahse, bail theih a nih dan kimchang erawh trial court-in a siam tur thu an tarlang.

Sandip Ghosh thubuai hi CBI lamin chhui zuiin kum 2024 August 24 khan charge sheet theh luh a ni. Ghosh hi India Penal Code-a section 120B, 409, 420, 468 leh 471 bakah Prevention of Curruption Act hnuaiah thubuai hi siamsak a ni.