Delhi Police-in Congress hnenah Ramlila Maidan hman phalna pe

Congress bultuma ram pum huapa Special Intensive Revision(SIR) kalpui chungchanga thil fel lo leh dik lo awm nia hriat vanga lungawi lohna lantirna tura November 1-a Ramlila Maidan hman dilna chu Delhi Police-te chuan pawmsakin no-objection certificate (NOC) an pe chhuak.

Deputy Commissioner of Police Rohit Singh tarlan danin Congress chuan Municipal Corporation of Delhi (MCD) hnena hmun a awl leh awl loh an zawh hnuah, police-te chu NOC an rawn dil zui ta niin a sawi. Congress hian October 5 khan rampum huapin CEC Kumar duh lohna lantirna tur hrang hrang-te puangin thupui atana 'Vote bachao, Desh Bachao' tihte chu an lo aupui tawh bawk.

Congress-in rampum huap lungawi lohna lantirna hrang hrang kalpui an tum hnu hian party hruaituten meeting darkar hnih awh nei zui nghalin, ram chhunga Congress hruaitu hrang hrangte an tel. Hemi hnu hian Ministry of Home Affairs(MHA) lam chuan Delhi huamchhunga nawrh huaihawtna tur hrang hrang thar puang zuiin Jantar Mantar chu nawrhna hmun aṭangin paih a ni zui a ni.