UN-a tualchhung buaina vanga inpuhchhiatna India-in dodal

UN General Assembly Third Committee, New York-a Thawhlehnia neihah ministry of external affairs deputy secretary Barkha Tamrakar chuan, tun hnaia ramchhung hmun hrang hranga eptu party leh Cockraoch Janta Party(CJP) bultuma nawrh huaihawta a hlawma zirlai hren an nih chungchanga human rights bawhchhiaa inpuhna chu thil chiang zawk hre loa inpuhna a nih thu a sawi.

Tamrakar chuan human rights hmanruaa hmanga politic inbeihna emaw ram bitum bik beihna atan emawa hman chu thil tih chi a nih loh thu sawiin,"Pawl aiawhte chu report dik zawk thlir tur leh, thil thlen dan ni anga sawite hmanga thutlukna siam mai lo turin kan duh a ni," a ti. India chuan international human rights kalphung mila hma a lak thu leh langtlang takin kaihhruaina te zawm a nih thu a tarlang.

India chuan thil thlen dan kimchang tihfiahna turin document mumal a pek theih thu sawiin, thil chiang lo leh dik lo, finfiah loh ni bawkte hmanga ramchhung inrelbawlna a ṭha lo zawnga lo tihpunlun chu a dodal zel dawn tih a sawi. UN-a India puhna hi ṭhalai tam takin nawrh an huaihawt ṭuma mi eng emaw zat a hlawma hrenna thleng chungchangah niin, UN human rights expert 20 chuangte chuan dikna kenkawh a ni em tih leh, human rights bawhchhiat a nih leh nih lohah thuneitute hma la tura an ngen hnuah chhanna hi pek a ni.

Kar liam ta mai pawh khan India chuan UN human right expert-ten ramchhunga ṭhalai rualin nawrh an huaihawtah police-ten tharum thawh zawnga hma an la anga puhna chu lo hnawl tawhin, heng thil thleng nia sawite hi finfiah loa puang mai loin expert-te chu finfiahna nei hmasa tur hian a lo hriattir tawh bawk.