Rahul Gandhi-a'n RSS "All Male Cult" tiin a sawi

Lok Sabha Leader of Opposition, Congress party hruaitu Rahul Gandhi chuan Rashtrya Swayamsevak Sangh (RSS) chu na taka beiin, mipa hlang rorelna leh sakhaw kalfawr pawl 'All Man Cult' tiin, an kal dan chu a sawisel. BJP lam chuan he puhna hi duh loin politic lama inbeihna an thlen zui phah nasa hle.

Gandhi chuan RSS chuan hmeichhiate chu tiduhdahin mipa aia hnuaihnung leh tlaktlai lo angah chauh an ngai a ni, a ti. Mipa hlang intihbikna, ram danpui dodaltu an nih bakah hmeichhiate chu bungraw pakhat ang chauha entu an nih thu X-a post a siamah a tarlang. RSS dodal chu nuam a tih thu leh an kawppui hmeichhiate chuan amah an ṭan zawk thute a tarlang bawk.

BJP MLA Ram Kadam chuan Gandhi hi chhang let nghalin, RSS a beihna chu thil belhchian dawl lo a nih thu leh RSS chuan women wing pawh an neih thute a tarlang. Heng beihna hrang hrangte chu politics a intihmualpho tumna mai a ni tiin, hetianga thu a sawi dawn a nih chuan mumal taka zirchianna a neih hmasak a ṭul thu a sawi.