Defence Minister-in Iran Vice President leh Tajikistan PM kawm

Defence minister Rajnath Singh chuan Shanghai Cooperation Organisation Head of Government meeting Dushanbe-a neih kar lakah, Thawhlehni khan Iran vice-president Mohammah Reza Azref leh Tajikistan prime minister Qohir Rosulzoda-te a kawm.

Singh hian Tajikistan hi SCO Council of Head Government meeting hman pahin ni hnih cham turin a tlawh a ni. Tajik PM Rosulzoda nen a inhmuh thu hi X-ah a tarlang a, hun rei tak chhung ram pahnihten thawh dunna an lo neih tawh leh, mipui leh mipui inkar ṭha leh thuk zawk siamna chungchangte an sawi dun thu a tarlang.

Thawhṭanni khan Singh chuan Tajik defence minister Emomali Sobirzoda chu ram hnihte defence huanga thawh dunna tihchakna tur chungchangte a lo sawipui tawh bawk. Ram pahnihten an ngaihpawimawh lai ve vea thawh dunna tur, thiamthil inzirtir tawn leh training neih ho chungchangte an sawi dun nghal bawk.