Saudi Arabia airport beihnaah India mi pakhat thi

Saudi Arabia khawchhak lam, Dammam-a King Fahd International Airport chu Nilaini zan khan Houthi helpawl-ten beiin mi pahnih an thi a, thi zinga pakhat chu India mi a ni. India mi vek mi dang pahnih an hliam tih official chuan an tarlang bawk.

Riyadh-a India embassy chuan Saudi thuneitute hnen aṭangin thi leh hliam chungchang hi Nilaini zan vek khan hriattirna an dawn thu an tarlang.

Iran thlawp helpawl, Houthi hi drone leh missile hmangin Saudi Arabia airport, energy installation leh infrastructure pawimawhte an bei fo a ni, tun thla chhungin airport hrang hrang an beihnaah mi 22 an thi tawh a ni. King Fahd International Airport beihnaa hliam tuar mi pahnihte hi damdawi-inah enkawl mek a ni.

Ministry of External Affairs data-a a landanin, Saudi Arabia-ah hian India mi mtd 2.74 vel an awm mek a, heng mite hi sector hrang hranga hna thawkte an ni. A hmaa Riyadh airport beihnaah India mi 11 in hliam an lo tuar tawh bawk.

Saudi-a Indian embassy chuan Houthi beihna thleng fo avangin India mi chengte tan thurawn a lo tichhuak tawh a, pawn chhuak tam lo tur leh, tualchhung thuneitute thuchhuahte ngaichang leh zawm turin a lo hriattir tawh a ni.