West Asia leh Ukraine a muanna awmna kawng zawnna thlawp zel dawn: PM Modi

Prime minister Narendra Modi chu nimin khan Poland prime minister Donald Tusk nen inkawmin, India chuan Ukraine leh Wset Asia-a awmze nei zawka remna leh muanna awm theihna tura hmalakna hrang hrangte chu a thlawp tlat tur thu a sawi. PM Tusk hian ni thum cham turin India a rawn tlawh a ni.

Hruiatu pahnihten inbiakna an neih zawha Modi-a'n thuchhuah a siamah, India leh Poland inkara thawh dunna huang zauhna turin thutlukna hrang hrang siam a nih thu a tarlang. Ram pahnihte hian kawng hrang hranga inpawh taka thawh dunna neih an tum thute leh defence, space leh nuclear energy huanga thuk zawka thawh dunna tur te, sector hrang hranga thil siam chhuah leh duan dun dan turte an sawi dun tih a sawi.

PM Modi chuan ram pahnih inkara economy ṭhanna nasa tak awm chuan India-Poland partnership-ah hmalakna thar remchang tak a siam thu a sawi. India leh European Union free trade agreement (FTA) chuan inpumkhat zawka economy huanga hmalak theihna ram pahnihte tan hian a hawn theih tur thute a tarlang.