Piyush Goyal-a'n sik leh sa danglam chhanah ram lian zawkte puh

Commerce minister Piyush Goyal chuan nimin Zirtawpnia Berlin Global Dialogue 2026 neihah ram lian zawk leh puitling tawh, Europe ramte chu boruak bawlhhlawh pek chhuah tam avanga khawvel sik leh sa danglam nasat chhanah puhin, tunge mawhphurtu ni dawn tiin a zawt nghal bawk. Goyal hian October 22-27 chhung hian Germany leh Netherland-te a tlawh dawn a, India sumdawng aiawh mi 100 velin an zui bawk a ni.

Goyal hian zawhna leh chhan hun hmanah, sik leh sa danglamna chhana mawhphurtu ber tunge tih te, eng tianga ozone hi rawn chhia nge, carbon heti zozai van boruaka thawn chhotu hi tunge? tiin panel-te chu a zawt a ni. Hemi rual hian , India chuan clean energy programme kalpui chunga khawvel huapa rang ṭhangduang zinga tel pha a nih thute a tarlang bawk. India ram mipui chu khawvel puma mipui awm aṭanga 17% a nih laiin carbon tihchhuah zinga 3 - 3.5% vel chauh chu India tihchhuah a ni, a ti. Hetih laiin EU ramten carbon an tihchhuah chu 20% a tling tih a sawi.