India-in SCO Civilisation Dialogue Forum thleng dawn

India chuan Shanghai Cooperation Organisation (SCO) Civilisational Dialogue Forum hmasa ber tur chu kumin November 20 leh 22 khian Purana Quila,New Delhi-ah a thleng dawn. Prime minister Narendra Modi chu forum hawng tura tih niin, ram 25 chuang aṭangin aiawh eng emaw zat an rawn tel thei dawn a ni. Pakistan minister for national heritage and culture, Aurungzeb Khan Khichi pawh tel ve tura sawm a ni.

Dialogue hi Ministry of Culture leh Ministry of External Affairs ṭangkawpin hun hman tur hi an huaihawt dawn a ni. He hun hman tur hi nikuma Tianjin-a SCO leader summit neihah khan prime minister Narendra Modi chuan rawtin, member ramte'n an pawmpui a ni. Hun hman turah hian member ram 10 clture minister an tel dawn bakah, an thawhpui ram 15 te sawm an ni bawk.

Civilisational Dialogue Forum in a tum ber chu SCO member ram hrang hrangte inkara soft-power leh cultural diplomacy huang tihchakna tura hmalak a ni. SCO member ramte inkarah sorkar thuneitu kaltlanga inpawhna ringawt piah lamah, mipui leh mipui inkara inpawhna ṭha siam chu a thil tum zingah tel bawkin, ramri huam chin danglam avanga indaidanna awm tihbote leh Central Asia ram inzawmna thuk tak awm ṭhin chu sumdawnna, leh hnam nunphung leh ziarang chawi lar thar leh theihna tura ruahmante pawh a tel a ni.