Hmarchhak bial leh Japan inzawmna chak zawk neihna tur project ruahman

Ministry of External Affairs (MEA) thupuangtu, Randhir Jaiswal chuan Nilaini khan Japan nena thawh dunna turah India hmarchhak biala state-te chhawr ṭangkai theih tur bilateral project ruahman tel a nih thu a tarlang.

Jaiswal chuan Japan prime minister Sanae Takaichi leh Bangladesh prime minister Tarique Rahman ten inkalpawhna ṭha nei tura inremna an neih chuan hmarchhak biala state-te chu hlawkna an tel ve theih phah dawn tih a tarlang bawk. India leh Japan-in inzawmna nghet tak an neih thu sawiin, hmarchhak state-te huam tel tur hmalakna hrang hrang Japan nen an neih thu leh, he inzawmna hi chak zawka kalpui tum a nih thu a tarlang a, hemi kaltlang hian hmarchhak state-te tan Japan-a hnathawh theihna turin Japan ṭawng zirtirna pawh kalpui a ni, a ti bawk.

Thawh dunna kaltlang hian Japan aṭanga puihnate chu hmarchhak bialten an hmuh tel theih tur thu a sawi. India leh Japan thawh dunna hian hmarchhak bialah Act East Policy leh Japan's Free and Open Indo-Pacific vision hmangin infrastructure, inkalpawhna leh sustainable development project te ruahman a ni.