World’s 100 Best Museums 2026-ah Bihar Museum 9-na

Khawvel hmun hrang hranga museum ṭha thlankhawm 'Worth of Journey' tihchhuah tharah Bihar-a Patna museum chu pakuana niin Top 10-ah a lang phak. Khawvela museum ṭha 10 zinga a lan bakah hian Asia khawmualpuia a ṭha ber a ni phak a, khawvel huap pawha lar New York-a Metropolitan Museum of Art leh Paris-a Louvre-te ai pawhin a ṭha zawk bawk.

Bihar chief minister Samrat Choudhary chuan khawvel huapa dinhmun sang tak an state chhung museum-in a luah phak chu lawmawm a tih thu social media kaltlangin a tarlang. Zirchianna kalpuitute chuan Bihar museum chuan thil hlui leh hlu tak tak ṭhahnem tak a kawl thu an sawi. Tunlai thil aṭanga stone age hunlai thleng thil hlui an kawl bakah milim, coins, thuziak hlui leh folk art ṭhahnem tak an kawl a ni.

Museum-ah hian thil hlui leh danglam tak takte chu gallery hrang hranga thliar thlapin, sculpture gallery, children gallery, leh regional folk art gallery-te an nei hrang a ni. Hei bakah museum huamchhungah hian India hnam ro hlui leh upa tawh tak tak aṭanga khawvel huap pawha architecturer thil hlu ṭhahnem tak an kawl a ni.

Museum ṭha thlannaah hian Mexico-a Museo Nacional de Antropología chu pakhatna niin, Spain-a Museo del Prado chu pahnihna a ni a, Denmark-a Louisiana Museum of Modern Art chu pathumna a ni.