Ramchhunga Navy Indo lawng siamna hmasa ber tur inremna tifel

Ministry of Defence(MoD) chuan nimin Thawhṭanni khan ram chhunga state pahnih hnuaia lawng siamna hmuna India Navy-te hman tur Indo lawng lian siamna turin Rs vbc 53,866 hu contract thawhna tur inremna an tifel. Indo lawng siamna tur contract hi Garden Reach Shipbuilder & Engineers Limited (GRSE) leh Goa Shipyard Limited (GSL) te nen ziah niin , Nest Generation Corvettes (NGCs) pariat siam a ni dawn tih ministry chuan an tarlang.

Contract hnuaiah hian GRSE chuan corvettes lawng hi panga an siam dawn a, GSL lamin pathum an siam ve thung ang. Indo lawng siamna tur hi ram chhunga design leh siam hmasakber tur a ni dawn a, he project kaltlang hian mi nuai 72 tan hna a siamsak thei dawn bawk a ni. Hei bakah project thawh tur hian India intodelhna tur hmathlir, 'Aatmanirbharta' hlawhtlinna tur kawng pawimawh a ni dawn bawk.

Project hi India tana ramchhunga indo lawng design leh siamchhuah kawnga mellung pawimawh a ni dawn a, ramchhung ngeia indo lawng siam hmasak ber a nih dawn bawk avangin India Navy tan ralthuam siam kawnga hmsawnna pawimawh tak tilangtu leh chhinchiah tlak a ni dawn bawk. Lawng design hi India Navy siam niin a rem pum lam erawh Defence Public Sector Undertaklings(DPSUs) hnuaiah kalpui a ni dawn thung a ni.