PM-in Bharat Renewable Energy Summit hmanpui

Prime minister Narendra Modi chuan nimin khan New Delhi-a Bharat Renewable Energgy Summit & Expo hawngin a hmanpui. West Asia buaina thleng mek mah se India economy ṭhanna chu a sang hle tih sawiin, hei hi clean energy lamah a lo invest ṭhat vang a ni, a ti.

PM Modi chuah renewable energy sector lama India hmasawn dante tarlangin, kum 10-11 chhungin non-fossil energy siam chhuah chu GW500 tlintir tuma hma lak a ni, a ti. Ram dang aṭanga gas chawkluha innghahna lian tak pawh titlem zel tum a nih thu a sawi bawk. Tun laia energy lama harsatna thleng chuan energy security leh ram sum leh pai dinhmun, economic security inkungkaihna tilang chiang hle a, hei vang hian ram hrang hrangte chuan fossil fuel-a inghahna tihtlem a ṭulzia a tilang a ni, tiin a sawi. West Asia buaina chuan hmalam hun zel atana clean energy pawimawhzia a tihlan thu a sawi bawk.

Summit hian Bharat Mandapam Convention Centre-ah neih a ni a, November 5 thleng a awh ang. Summit chhung hian knowledge session hrang hrang buatsaih a ni dawn a, ram 125 chuang aṭangin an tel a ni.