President-in Sawant banna a pawmsak

President Ram Nath Kovind chuan Shiv Sena MP, Arvind Sawant-an union minister of heavy industries and public enter­prises a nihna aṭanga banna a thehluh chu nimin khan a pawmsak. 

Sawant-a ministry chan lo kep tur hian union minister Prakash Javadekar chu ruat nghal a ni bawk. Rashtrabati Bhavan thuchhuah chuan, prime minister Narendra Modi thurawn angin, President hian Sawant-a'n union council of ministers aṭanga banna a thehluh hi a pawmsak tih a sawi. 

Maharashtra-a BJP leh Shiv Sena party te inkara inhriatthiam lohna awm avangin Sawant hian BJP kaihhruai NDA sorkara minister a nihna aṭang hian banna a thehlut a ni.