Guru Nanak Dev piancham vawi 550-na hmang

Sikh sakhua hmu­chhuaktu, Guru Nanak Dev piancham vawi 550-na chu nimin khan hman a ni. Ram hruaitu hrang hrangten Guru Nanak an uina leh fakna thu sawiin, Sikh sakhua zuitute duhsakna an hlan bawk. 

"Guru Nanak Dev hian nun hlutna min zirtir a, rilru dikna leh mahni inrintawkna nena kan economy hi kalpui thiam turin min zirtir a ni," tiin prime minister Modi chuan Guru Nanak hlutzia a sawi. Vice president Ven­kaiah Naidu pawhin, "Sa­khuana serh leh sang, leh thilmak tihte hi ring turin min zirtir lo a, nundan ṭha leh dikna hmanga nun kai­hruai turin min zirtir zawk a ni," tiin Guru Nanak zirtirna thu a sawi. 

Ani bakah hian defence minister Rajnath Singh, congress president Sonia Gandhi leh a fanu Priyanka Gandhi Vadra-te pawhin Guru Nanak piancham pual hian thuchah an sawi ve bawk a ni.