Amit Shah-a'n Ahmedabad project hawng

Union home and cooperation minister, Amit Shah chuan nimin Thawhṭanni khan, Gujarat-a Ahmedabad-a Gandhinagar Lok Sabha bialah project 30, Rs vbc 1,024 hu a hawn bakah lungphum a phum. Project-ah hian chenna in, tui supply, renewable energy, healthcare leh urban infrastructure-te an tel. Project 24, Rs vbc 641.93 man hu chu hawn a ni a, project paruk Rs vbc 382.08 hu chu lungphum phum a ni.

Project hawn zingah MW 30 solar power project pawh telin, Rs vbc 149.23 sen a ni a, renewable energy chawikanna tura ruahman a ni. Hei bakah Jaspur-ah litre mtd 200 dawng water treatment plant pawh hawn a ni a, trunk main pipeline leh tui infrastructure project rs vbc 285.26 senna pawh a tel. Tui infrastructure hnathawhah hian Ranip-a trunk main pipeline, stadium leh navrangpura bakah tui sem chhuahna station-te pawh an tel. Jagatpur leh Gota huam chhunga sewage treatment plant-te leh stormwater infrastructure-te pawh a tel a, project-ah hian Rs vbc 80 sen a ni bawk.

Housing sector-ah Vadaj-a Ramapir no Tekro-a Sector 5-ah Rs vbc 47.14 senga sak, chenna in 532 leh dawr 16 hawn a ni. Sector 1-ah Rs vbc 40.88 senga sak chenna in dang 644 hawn a ni bawk. Education sector-ah Jodhpur-ah knowledge hub hawn a ni a, Naranpura-ah smart school. Ghatlodia leh Sabarmati bakah Anganwadi hawn a ni bawk. Heng project atan hian Rs vbc 26.02 sen a ni. Gota leh Chandlodia-ah Rs vbc 9.19 sengin health centre pahnih hawn a ni a, Rs nuai 65 senga senior citizen park siam pawh hawn a ni.